sru:version: 1.2; sru:query: fcs.rf="mecmua.1_166"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_166"; sru:baseUrl: ; fcs:returnedRecords: 1; fcs:duration: PT0.023S PT0.03S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_166</phrase></query>)];

hāẕā kitāb‑i risāle‑i manẓūme‑i teʾlīf‑i Nidāyī Çelebi raḥmatu llāhi ʿan aṭibbāʾi ḥāẕiq [!] peydā şod berāy‑e pādişāh‑i ʿālem‑penāh ḫallada llāhu mulkahū wa‑ayyada salṭanatahū wa‑rafʿatahū wa‑dawlatahū

ḫafīf: feʿilātün ‑ mefāʿilün ‑ feʿilün

fāʿilātün faʿlün

1 Ey ḥekīm ü ʿalīm ü ḥayy u ḥalīm
Ḥażretüñdür kerīm ü şāh‑i ʿaẓīm

2 Cān u dil birligine şāhiddür
Ẕāt‑i pāküñ hemīşe vāḥiddür

3 Qādir ü rebb u lem yezelsin sen
Cümleye āḫir ü ezelsin sen

4 Saña iqrārumuz ezeldendür
Cümleʾi varumuz ezeldendür

5 Āşināyuz ezelden eyleme redd
Cürmümüz ara yėrde eyleme sedd

6 Muṣṭafā ḥürmeti ʿināyet qıl
Raḥmetüñden bize hidāyet qıl

7 Evliyā enbiyā ḥaqı yā rebb
Qıl saʿīd eyleme şaqī yā rebb

8 Rāh‑i ʿışquñda ḫāksār eyle
Derdüñi dilde ṣad hezār eyle

9 Baḥr‑i ḥikmetde bārĭ qıl ġavvāṣ
Çıqaram şevqüñ‑ile gevher‑i ḥāṣ [!]

10 Her ne ilhām olursa levḥ‑i dile
Anı yazam ʿināyetüñle bile

11 Bedenüñ ṣıḥḥati ne birle olur
Ḫastalar ʿilleti ne birle olur

12 Muḥtaṣar [!] bunı bu risāle ėdem
ʿİlm‑i ḥikmetde bir maqāle ėdem

13 Ḫāṣ u ʿāma gerekli vü maqbūl
Ḥikmeti fehm ėden ola meşġūl

duʿā‑yi sulṭān Selīm Ḫān ibn Sulṭān Süleymān Ḫān

14 Girmedin söze gel duʿā eyle
Şeh Selĭm Ḫāna çoq s̱enā eyle

15 Vėrdi ḥaq devlet‑i Süleymānı
Aña lāyıq görüb bu ʿünvānı

16 Çünki taḥt‑i [!] seʿādete aġdı
Ḫalqa ḥaq raḥmeti ʿaceb yaġdı

17 Aña ol ḥīnde bir kitāb ėtdüm
Encüm‑i ṭıbba āfitāb ėtdüm

18 Anı nes̱r eyledüm feṣāḥatdan
Bunı naẓm eyledüm belāġatdan